Net samar in bluesband, mar in eigensinnige fiifmans bluesrockformaasje. Wat yn 2009 begûn as garaazjeband is no in stampende goedrinnende Fryske bluesrockmasine.

De band skriuwt en komponearret syn eigen nûmers ynspirearre troch The Red Devils, The Doors en AC/DC. Neist twa studioalbums: Helden fan de tredde helte en Rubber, Reek & Fjoer (ek op vinyl!), ha sy in live album en in stikmennich singels en videoclips utbrocht.

Mei Skraal binne jo wis fan fan in dik oere earlike muzyk en in gesellige sfear, geskikt foar elk feest of festival. Sa spile Skraal al op Aaipop (it grutste Frysktalige festival fan Nederlân), it Blues &Americana festival, Hunekopfestival, Knypstermerke, Expansie, Oerrock, Oldtimer festival, Veenhoop festival en fansels yn bulten rikkerige kroegen en poppodia. Skraal is gauris te hearren op Omrop Fryslân. Ek wiene sy al in kear as wat live yn it programma Noardewyn. Der is gjin kroech mear feilich want Skraal hat in eigen PA ynstallaasje en lûds(man) technikus.